रामेछाप । नेपाली नारीहरूको महान् पर्व हरितालिका तिज–२०८२ विशेष कार्यक्रम उमाकुण्ड गाउँपालिका–५, प्रीतिमा सम्पन्न भएको छ ।
आइतबार वडा कार्यालयले आयोजना गरेको कार्यक्रममा वडाभित्रका आमा समूह, महिला स्वास्थ्य स्वयंसेविका तथा विभिन्न पेशामा संलग्न दिदीबहिनीहरूको उत्साहपूर्ण सहभागिता रहेको थियो ।
कार्यक्रममा शुभकामना आदानप्रदानसँगै हाजिरीजवाफ प्रतियोगिता पनि गरिएको थियो । जसमा आमा समूहका महिलाहरूको सक्रिय उपस्थिति देखिएको थियो ।
आपसी सद्भाव, एकता र महिला दिदीबहिनीहरूको हौसलाका लागि यस्तो कार्यक्रम आयोजना गरिएको वडा अध्यक्ष कुलबहादुर बस्नेतले बताए ।
