रामेछाप । चैत १४ गते
विभिन्न स्थानमाबाट जिल्ला भित्रिएका ४२ जनालाई रामेछाप जिल्लमा क्वारेन्टाइनमा राखिएको छ । छिमेकी मुलुक भारत र अन्य विभिन्न देशबाट आएकाहरुलाई क्वारेन्टाइनमा राखिएको हो । शुक्रबारसम्म गोकुलगंगा गाउँपालिकामा ६ जना, दोरम्बा गाउँपालिकामा १० जना, मन्थली नगरपालिकामा ९ जना, रामेछाप नगरपालिकामा १२ जना र खाँडादेवी गाउँपालिकामा ५ जनालाई क्वारेन्टाइनमा राखिएको जिल्ला स्वास्थ्य कार्यालय रामेछापका प्रमुख जितेन्द्र कुमार कर्णले जानकारी दिए । यी मध्ये ३१ जना घरमा र बाँकि सामुदायीक क्वारेन्टाइनमा रहेको कर्णले जानकारी दिए ।
यसैगरी एकजना ज्वरोको विरामीलाई आइसोलेसनमा राखि उपचार भई रहेको छ । प्रमुख कर्णका अनुसार तामाकोसी अस्पताल मन्थलीमा आइसोलेसनमा भर्ना भएका उनको ज्वरो घटेकाले नमुना परीक्षणका लागि पठाइएको छैन । उनको ज्वरो घटेकोले मौशमी ज्वरो भएको अनुमान गरिएको छ । तरपनि उनलाई आइसोलेसमा राखेर छुट्टै उपचार गरिएको तामाकोसी अस्पतालका अध्यक्ष गोविन्द घिमिरेले जानकारी दिए । उनलाई शनिबारसम्म डिस्चार्ज गरिने उनले बताए ।
विश्वव्यापी महामारीको रुपमा फैलिएको कोरोना भाइरसको रोकथाम र नियन्त्रणको लागि रामेछाप जिल्लाका आठ वटै स्थानीय तहले उच्च सतर्कता अपनाएका छन् । जिल्लाका विभिन्न पालिकाहरुहरुमा आवश्यक पर्दा चिकित्सकहरु गएर उपचार गर्न सक्ने खालका ३७ भन्दा बढी आइसोलेसन कक्षहरु स्थापना भई सकेका छन् । हालसम्म मन्थली नगरपालिकामा २२ वटा, रामेछापमा ४ वटा, दोरम्बा गाउँपालिकामा ७ वटा र सुनापति गाउँपालिकामा ४ वटा आइसोलेसन सेन्टर स्थापना गरिएको कर्णले जानकारी दिए ।
सबै पालिकाहरुले सामुदायीक भवन तथा विद्यालयका भवनहरुमा क्वारेन्टाइन कक्षहरु निर्माण गरेर संकास्पद र बाहिरबाट आएका मनिसहरुलाई राख्ने प्रवन्ध मिलाइएको रामेछाकी प्रमुख जिल्ला अधिकारी रुद्रादेवी शर्माले जानकारी दिइन् । सामुयदायिक क्वारेन्टायनमा राखिएका मानिसहरुलाई क्वारन्टाइनमा राख्दा खाने बस्ने व्यवस्था समेत स्थानीय सरकारले मिलाउने गरि प्रवन्ध गरिएको छ ।