एजेन्सी । भारतको महाराष्ट्रस्थित सिंधुदुर्ग जिल्लाको बिजयदुर्ग सामुद्रिक तटमा माछा मार्ने क्रममा ३२ ओटा दाँत भएको दुर्लभ ‘आरेमाछा’ समातिएको छ।
गत सोमबार स्थानिय माछा मार्ने मछुवाहरुले जालमा अजिबको माछा देखेपछि बाहिर निकालेका थिए । करिव १६ फुट लामो उक्त माछा ७०० किलो भएको र नाकबाट बाहिर काठ काट्ने आरा जस्तो धारिलो ३२ ओटा ठूला ठूला दाँत रहेको स्थानियहरुले बताएका छन्।
समुद्रमा कमैमात्र पाइने यो माछाको वास्तविक नाम भने सफिस (आरामाछा) तथा ‘कारपेण्टर शार्क’ भनिन्छ। सिंधुदुर्ग जिल्ला प्रमुख उदय चौधरीका अनुसार स्थानिय मछुवा मुनीर मुजावारले गत आइतबार थापेको जालमा सफिस परेको र सोमबारमात्रै थाहा पाएर पाँच जना मिलेर झिकिएको बताए।
स्थानीय मछुवा मुजावारले सफिस ७०० किलोको रहेको र लामो नाकसंग जोडिएको मुखमा ३२ ओटा धारिलो दाँत भएको बताए । उनले भने–‘मैले थापेको जालमा माछाको नाक अल्झेको थियो।’ सिंधुदुर्ग जिल्लाको दक्षिण बन्दगाहमा शार्कमाछा अवलोकनको लागी प्रसिद्ध मानिन्छ।
सात प्रजातीमा मात्रै रहेको सफिस भारत, इरान, श्रीलंका, बगंलादेश, मलेसिया म्यानमार लगायतको देशहरुमा कमै मात्र पाइन्छ । साथै सफिसलाई माछा संरक्षणकर्ताहरुले निकट भविष्यमै पृथ्वीबाट लोप हुने माछाको सुचिमा सफिस रहेको उल्लेख गरेका छन्।
अन्र्तराष्ट्रिय प्रकृति संरक्षण संघ (आइसियूएन)ले यस प्रजातीको माछालाई कुनै हानी गरे अन्र्तराष्ट्रिय वन्यजन्तु संरक्षण ऐन १९७२ अन्र्तगत कारवाहि गर्ने गर्दछ।
थप जानकारीको लागि हेर्नुहोस् भिडियो …
